Zabura 124:1-8

¹Da ba don Ubangiji ya kasance a gefenmu ba, bari Isra’ila yă ce,

²da ba don Ubangiji ya kasance a gefenmu ba sa’ad da aka auka mana,

³sa’ad da fushinsu ya ƙuna a kanmu, ai, da sun haɗiye mu da rai;

⁴da rigyawa ta kwashe mu, da ambaliya ta rufe mu.

⁵Da ruwa mai hauka ya share mu ƙaf.

⁶Yabo ya tabbata ga Ubangiji, wanda bai bari aka yayyage mu da haƙoransu ba.

⁷Mun tsira kamar tsuntsu daga tarkon mai farauta; an tsinke tarko, muka kuwa tsira.

⁸Taimakonmu yana a sunan Ubangiji, Wanda ya yi sama da ƙasa.