Zabura 149:1-9

¹Yabi Ubangiji. Ku rera sabuwar waƙa ga Ubangiji, yabonsa a cikin taron tsarkaka.

²Bari Isra’ila su yi farin ciki da Mahaliccinsu; bari mutanen Sihiyona su yi murna da Sarkinsu.

³Bari su yabi sunansa tare da rawa suna kuma yin kiɗi gare shi da ganga da garaya.

⁴Gama Ubangiji yana jin daɗin mutanensa; yakan darjanta masu sauƙinkai da ceto.

⁵Bari tsarkaka su yi farin ciki a wannan bangirma su kuma rera don farin ciki a kan gadajensu.

⁶Bari yabon Allah yă kasance a bakunansu takobi mai kaifi kuma a hannuwansu,

⁷don su ɗau fansa a kan al’ummai da kuma hukunci a kan mutane,

⁸don su ɗaura sarakuna da sarƙoƙi, manyan garinsu da sarƙoƙin ƙarfe,

⁹don su yi hukuncin da aka rubuta a kansu. Wannan ne ɗaukakar dukan tsarkakansa. Yabi Ubangiji.