Zabura 8:1-9

¹Ya Ubangiji, shugabanmu, sunanka da girma take a cikin dukan duniya! Ka kafa ɗaukakarka bisa sammai.

²Daga leɓunan yara da jarirai ka kafa yabo domin su sa abokan gābanka da masu ɗaukan fansa su yi shiru.

³Sa’ad da na dubi sammai, aikin yatsotsinka, wata da taurari waɗanda ka ajiye a wurarensu,

⁴wane ne mutum da kake tunawa da shi, ɗan mutum da kake lura da shi?

⁵Ka yi shi ƙasa kaɗan da Allah ka yi masa rawani da ɗaukaka da girma.

⁶Ka mai da shi mai mulki bisa ayyukan hannuwanka; ka sa kome a ƙarƙashin ƙafafunsa,

⁷dukan shanu da tumaki, da kuma namun jeji,

⁸tsuntsayen sararin sama da kifin teku, da dukan abin da yake yawo a ƙarƙashin ruwan teku.

⁹Ya Ubangiji, shugabanmu, sunanka da girma take a cikin dukan duniya!