Zabura 21:1-13

¹Ya Ubangiji, sarki yana farin ciki cikin ƙarfinka. Yana farin cikinsa ƙwarai cikin nasarorin da ka ba shi!

²Ka biya masa bukatar zuciyarsa ba ka kuwa hana masa roƙon da ya yi da leɓunansa ba. Sela

³Ka marabce shi da yalwar albarka ka kuma sa masa rawanin zallan zinariya a kansa.

⁴Ya nemi ka ba shi rai, ka kuwa ba shi, tsawo kwanaki, har abada abadin

⁵Ta wurin nasarorin da ka ba shi, ɗaukakarsa mai girma ce; ka mayar masa ɗaukaka da kuma suna.

⁶Tabbatacce ka ba shi madawwamiyar albarka ka kuma sa shi murna da farin cikin kasancewarka.

⁷Gama sarki ya dogara gare ka Ubangiji ta wurin ƙauna marar ƙarewa ta Mafi Ɗaukaka ba zai jijjigu ba.

⁸Hannunka zai kakkama dukan abokan gābanka; hannunka na dama zai kakkama masu ƙinka.

⁹A lokacin bayyanarka za ka sa su zama kamar wutar matoya. Cikin fushinsa Ubangiji zai haɗiye su, kuma wutarsa za tă cinye su.

¹⁰Za ka hallaka ’ya’yansu daga duniya, zuriyarsu kuma daga ’yan adam.

¹¹Ko da yake suna shirya maka mugunta suna kuma ƙirƙiro mugayen dabaru, ba za su yi nasara ba;

¹²gama za ka sa su juye bayansu sa’ad da ka auna su da bakan da ka ja.

¹³Ka sami ɗaukaka, ya Ubangiji cikin ƙarfinka; za mu rera mu kuma yabi ikonka.